Büdcədən bəzi detallar
2017-ci ilin dövlət büdcəsindən müdafiə sahəsinə 2 milyard 642,9 milyon manat ayrılacaq. Novator.az bildirir ki, Müdafiə Nazirliyi üçün büdcədə 1,1 milyard manat nəzərdə tutulur.
Milli təhlükəsizlik sahəsinə büdcədə 111,9 milyon manat rəsmiləşib. Dövlət Təhlükəsizlik Xidmətinin büdcəsi 93,7 milyon manat, Xarici Kəşfiyyat Xidmətinin büdcəsi 18,2 milyon manat təsdiqlənib.
Prezident İlham Əliyev 2017-ci ilin dövlət büdcəsini ötən gün imzalayıb. Büdcənin gəlirləri 16 milyard 255 milyon manat, xərcləri 16 milyard 900 milyon manat təsdiqlənib (Qanun). Dövlət başçısının büdcənin tətbiqini təmin etmək üçün verdiyi fərmanda büdcə xərclərinin detalları yer alır (Fərman).
Əsas dövlət orqanlarına baxsaq, Milli Məclisə büdcədə 23,9 milyon manat, Prezident Administrasiyasına 76,3 milyon manat, Nazirlər Kabinetinə 10,02 milyon manat, Konstitusiya Məhkəməsinə 4,09 milyon manat nəzərdə tutulub.
