Yeni hərracda ən yüksək göstərici 70 min manat oldu
Əmlak Məsələləri Dövlət Komitəsi dekabrın 27-də özəlləşdirmə hərracı keçirib. Hərracda 1 səhmdar cəmiyyəti, 14 istifadəsiz qeyri-yaşayış sahəsi və kiçik dövlət müəssisəsi, 5 nəqliyyat vasitəsi özəlləşdirilib.
Rəsmi məlumata görə, ən yüksək qiymətə özəlləşdirilən əmlak paytaxtın Yasamal rayonunda yerləşən qeyri-yaşayış sahəsi olub. Əmlak 70 min manata özəlləşdirilib. Yevlaxda yerləşən qeyri-yaşayış sahəsi isə 46 min 500 manata satılıb.
Komitə sentyabrın 14-dən açıq hərraclar keçirir. İndiyədək 12 hərraca 700-ə yaxın dövlət əmlakı çıxarılıb. Nazirlər Kabinetinin qərarı ilə isə 352 yeni dövlət müəssisə və obyekti özəlləşməyə açılıb.
