Ən çox silah satan ölkənin adı açıqlanıb
2015-ci ildə dünya ölkələri 79,9 milyard dollar dəyərində silah müqavilələri rəsmiləşdirib. ABŞ Konqresinin xüsusi tədqiqat xidməti belə hesabat yayıb.
Novator.az-ın məlumatına görə, hesabatda qeyd olunur ki, 2015-ci ildə ən çox silah satan ölkələrin siyahısına ABŞ başçılıq edib. Ölkə silah satışına dair 40,2 milyard dollarlıq müqavilələr imzalayıb. Bu, dünya üzrə ümumi göstəricinin 50,29 faizidir.
İkinci yerdə 15,3 milyard dollarla Fransa gəlir.
Rusiya 2015-ci ildə silah satışı üzrə 11,1 milyard dollarlıq, Çin 6 milyard dollarlıq müqavilələr imzalayıb.
