4 yoxlama üzrə qərarlar qəbul olunub
Hesablama Palatası Kollegiyasının iclasında 4 nəzarət tədbiri üzrə qərarlar qəbul olunub. Rəsmi məlumata görə, Dövlət Sosial Müdafiə Fondunun Ağcabədi rayon şöbəsinə büdcədən ayrılan vəsaitlərin, məcburi dövlət sosial sığortası üzrə gəlirlərin və xərclərin icrası; dövlət büdcəsindən Oğuz Rayon İcra Hakimiyyətinə ayrılan vəsaitlərin istifadəsi; büdcədən Goranboy Rayon İcra Hakimiyyətinə və onun tabeliyində olan idarə, müəssisə və təşkilatlara ayrılmış vəsaitlərin proqnozlaşdırılması və icrası; dövlət büdcəsinin tərkibində “Avtomobil Yolları” Məqsədli Büdcə Fondunun daxilolmalarının hesablanması, ödənilməsi və istifadəsinə dair təhlilin nəticələri yoxlanıb.
Kollegiya qərarlarının icrasını təmin etmək məqsədilə aidiyyəti dövlət qurumlarına təqdimatlar göndəriləcək və audit tədbirlərinin nəticələri barədə məlumatlar Milli Məclisə təqdim olunacaq.
