Federal Təhlükəsizlik Xidməti ilkin araşdırmanın nəticəsini açıqlayıb
Rusiyanın Federal Təhlükəsizlik Xidməti (FTX) Qara dənizdə qəzaya uğramış “Tu-154” təyyarəsinin qalıqlarına ilkin baxışın nəticəsini açıqlayıb. Novator.az-ın məlumatına görə, FTX hələlik terror aktı və ya diversiya əlamətlərinin görünmədiyini bəyan edib.
FTX-də qeyd ediblər ki, təyyarənin göyərtəsizdə hərbi yük və təhlükəli maddələr olmayıb.
Qəzaya səbəb kimi mühərrikə kənar cismin düşməsi, keyfiyyətsiz yanacaq üzündən mühərrikin gücdən düşməsi və dayanması, texniki nasazlıq və idarəetmə səhvi ehtimalları araşdırılır.
Rusiya Müdafiə Nazirliyinə məxsus sərnişin təyyarəsi dekabrın 25-i səhər qəzaya uğrayıb. Suriyaya uçan təyyarə Soçidən havaya qalxandan az sonra Qara dənizə düşüb. Təyyarənin göyərtəsində 92 nəfər – 8 heyət üzvü, 8 hərbçi, 9 jurnalist, 2 dövlət qulluqçusu, Rusiya Ordusunun Akademik Mahnı və Rəqs Ansamblının 64 üzvü və xeyriyyəçi Yelizaveta Qlinka olub.
Qara dənizdə axtarışlara 45 gəmi, 5 vertolyot, uçan aparatlar, 3500-dən çox canlı qüvvə cəlb edilib.
