Dövlət Sərhəd Xidməti ilə necə yekun vurur?
2016-cı ildə Dövlət Sərhəd Xidməti Azərbaycana qarşı kəşfiyyat-pozuculuq fəaliyyəti məqsədilə xarici xüsusi xidmət orqanları ilə əlaqədə şübhəli bilinən 7 Azərbaycan, 1 əcnəbi vətəndaş, məxfi əməkdaşlığa cəlb olunmuş 4 Azərbaycan vətəndaşı müəyyən edib. Rəsmi hesabata görə, xaricdəki münaqişə zonalarında döyüşmüş 8 Azərbaycan vətəndaşı saxlanıb, qanunsuz miqrasiya ilə məşğul olan 6 qrup, qaçaqmalçılıq, narkotik maddələrin qanunsuz dövriyyəsi ilə məşğul olan 5 mütəşəkkil cinayətkar dəstə zərərsizləşdirilib.
Sərhəd rejimini pozduqlarına görə 13 min 248 nəfər, axtarışda olan 4590 nəfər, dövlət sərhədini pozduqlarına görə 503 nəfər saxlanıb. 49 milyon 319 min manat dəyərində qaçaqmalın, 1 ton 189 kiloqram 997,7 qram narkotik vasitənin dövlət sərhədindən qanunsuz keçirilməsinin qarşısı alınıb.
Xəbəri Dövlət Sərhəd Xidmətinin Mətbuat Mərkəzi yayıb.
