Mərkəzi Bank dolları 1 manat 76 qəpikdən baha satır
Mərkəzi Bank dekabrın 23-də ABŞ dollarının məzənnəsini 1,7575 manatdan 1,7622 manata qaldırıb.
Avro və Rusiya rublu da bahalaşıb. Novator.az-ın məlumatına görə, ötən gün 1,8344 manata təklif olunmuş avronun rəsmi kursu indi 1,8412 manat müəyyən edilib. Rublun qiyməti isə 0,0287 manatdan 0,0289 manata yüksəlib (Məzənnələr).
2015-ci ilin yanvar ayında dolların orta məzənnəsi 0,7844 manat idi. Mərkəzi Bankın 21 fevral 2015-ci il qərarı ilə dolların rəsmi məzənnəsi 1 manat 5 qəpik müəyyən edilib. 21 dekabr 2015-ci ildən isə məzənnə 1 manat 55 qəpiyə yüksəlib. 2016-cı ilin noyabr ayında orta məzənnə 1,69 manat olub.
