İrkutsk qırğınından yeni rəqəmlər
Rusiyanın İrkutsk şəhərində metil spirti tərkibli yemişan suyundan zəhərlənmə ilə bağlı yeni rəqəmlər açıqlanıb.
Yemişan suyundan kütləvi zəhərlənmə dekabrın 17-də qeydə alınıb. 122 nəfərin zəhərləndiyi bildirilir.
Novator.az-ın məlumatına görə, regional səhiyyə qurumu dekabrın 23-dək 74 nəfərin öldüyünü bəyan edir. Tibb müəssisələrində 31 nəfər müalicə alır.
İrkutskda yemişan suyu və spirt tərkibli başqa məhsullar hazırlayan qeyri-leqal sexlər üzə çıxıb. Tərkibində spirt olan məhsulların satışı qadağan edilib. 22 min litrdən çox saxta alkoqollu içki dövriyyədən çıxarılıb. Polis əməkdaşları şəhərdəki kotteclərin birinin zirzəmisində 10 min şüşə yemişan məhlulu aşkarlayıb.
Kütləvi zəhərlənmə ilə əlaqədar 12 nəfər saxlanıb. Tutulanlar məhsul istehsalı, saxlanması və satışında təhlükəsizlik qaydalarını pozmaqda ittiham olunurlar.
