Hamı tətildə, ingilislər iş başında
Avropanın dörd aparıcı futbol ölkəsində milli çempionatlar qış tətilinə çıxıb. Novator.az bildirir ki, Almaniya çempionatında 16 turdan sonra turnir cədvəlinə 39 xalla “Bavariya” başçılıq edir. Onu 36 xalla bundesliqanın debütantı “Leypsiq” izləyir. Üçüncü pillədə 30 xal toplayan “Herta” dayanır.
Tətil gələn il yanvarın 20-də bitəcək.
İspaniyada da 16 tur geridə qalıb. Bir oyun əskik keçirən “Real” 37 xalla birinci yeri tutur. “Barselona” 34 xalla ikinci, “Sevilya” 33 xalla üçüncüdür.
Növbəti tur gələn il yanvarın 6-da start götürəcək.
İtaliyada 18 turdan sonra ehtiyatda bir oyunu olan “Yuventus” liderlik edir – 42 xal. “Roma” 38 xalla ikinci, “Napoli” 35 xalla üçüncü pillədədir.
Tətilə gələn il yanvarın 7-də son veriləcək.
Fransada ilk dövrədən – 19 turdan sonra “Nitsa” 44 xalla öndə gedir. “Monako” 42 xalla ikinci yerdədir. PSJ 39 xalla üçüncüdür.
20-ci tur gələn il yanvarın 13-də başlayır.
Nəhəng çempionatlardan yalnız İngiltərə premyer-liqası tətilə getməyib. Bu çempionatda “Çelsi” 43 xalla turnir cədvəlinə başçılıq edir. 17 turdan sonra “Liverpul” 37 xalla ikinci, “Mançester Siti” 36 xalla üçüncüdür.
