Üç ölkəyə yeni səfirlər göndərildi
Prezident İlham Əliyev üç ölkəyə yeni səfirlər təyin edib. Novator.az-ın məlumatına görə, dekabrın 21-də imzalanan sərəncamlarla Lətif Qəndilov Belarusa, Elxan Poluxov Braziliyaya, Dursun Həsənov Gürcüstana fövqəladə və səlahiyyətli səfir göndərilib.
Novator.az bildirir ki, bu il oktyabrın 27-də Elxan Poluxov Cənubi Afrika Respublikasında və eyni zamanda Anqola Respublikasında, Zimbabve Respublikasında, Mozambik Respublikasında, Svazilend Krallığında, Lətif Qəndilov Çin Xalq Respublikasında və eyni zamanda Monqolustanda, Koreya Xalq Demokratik Respublikasında fövqəladə və səlahiyyətli səfir vəzifəsindən geri çağırılmışdı.
Dursun Həsənov isə ilk dəfə səfir təyin olunur.
