Rusiyadan nə qədər pul axır, hara axır?
Rusiyadan xaricə pul axınının həcmi açıqlanıb. Mərkəzi Bankın hesabatına əsasən, 2016-cı ilin 9 ayında fiziki şəxslər uzaq xaricə 18 milyard 500 min dollar pul köçürüb. Bütövlükdə 2015-ci ildə fiziki şəxslər ölkədən 18 milyard 570 min dollar çıxarmışdı.
Novator.az-ın məlumatına görə, Rusiya əhalisi pul saxlamaq üçün ən çox İsveçrəyə üstünlük verir. Bu ilin 9 ayında Rusiyadan bu ölkəyə 3 milyard 762 min dollar pul daxil olub.
İkinci yerdə Çin gəlir. 9 ayda Rusiyadan bu ölkəyə 1 milyard 300 min dollar pul göndərilib.
Rusiya əhalisinin kapital çıxarılması üçün ən çox önəm verdiyi istiqamətlərdən biri də Latviyadır. İlin əvvəlindən bu ölkəyə 1,5 milyard dollar pul göndərilib.
2015-ci ilin yekununda Rusiyadan pul axınının ümumi həcmi 56 milyard 900 milyon dollar təşkil edib. 2014-cü illə müqayisədə bu göstərici 2,7 dəfə azalıb. 2014-cü ildə ölkədən 153 milyard dollardan çox pul çıxarılıb.
