Kollegiya iclasında nələr müzakirə olunub?
Müdafiə Nazirliyində qoşunların 2016-cı tədris ilində fəaliyyətinin yekunları üzrə geniş kollegiya iclası keçirilib. Rəsmi məlumata görə, dekabrın 21-də keçirilən iclasda ordu quruculuğu sahəsində görülən işlərlə bağlı məruzələr dinlənib, perspektiv məsələlər müzakirə edilib.
Geniş məruzə ilə çıxış edən müdafiə naziri Zakir Həsənov döyüş fəaliyyəti, döyüş hazırlığı və mənəvi-psixoloji vəziyyət, müdafiə sistemi, qoşunların döyüş qabiliyyətinin artırılması məqsədilə qarşıda duran vəzifələrin yerinə yetirilməsi məqsədilə komandir-rəis heyəti qarşısında tapşırıqlar qoyub.
2016-cı tədris ilində döyüş hazırlığının yekunlarına görə xidmətdə fərqlənən hərbi qulluqçular müxtəlif medallarla təltif edilib, təşəkkür, fəxri fərman və qiymətli hədiyyələrlə mükafatlandırılıb.
