İrkutskda ölənlərin sayı 71-ə çatıb
Rusiyanın İrkutsk şəhərində tərkibində metanol tapılan yemişan suyundan zəhərlənib ölənlərin sayı 71-ə çatıb. Novator.az-ın məlumatına görə, Rusiya Səhiyyə Nazirliyinin regional nümayəndəliyi dekabrın 22-də tibb müəssisələrində 36 nəfərin müalicə aldığını bəyan edib.
Yemişan suyundan kütləvi zəhərlənmə dekabrın 17-də qeydə alınıb. 117 nəfərin zəhərləndiyi bildirilir.
İrkutskda yemişan suyu və spirt tərkibli başqa məhsullar hazırlayan qeyri-leqal sexlər aşkara çıxıb. Tərkibində spirt olan məhsulların satışı qadağan edilib. Kütləvi zəhərlənmə ilə əlaqədar 12 nəfər saxlanıb. Tutulanlar məhsul istehsalı, saxlanması və satışında təhlükəsizlik qaydalarını pozmaqda ittiham olunurlar. Araşdırmaların bir ucu istehsal obyektlərinin olduğu Sankt-Peterburqa və Şimali Osetiyaya gedib çıxır.
