Gömrük qaydalarını pozanların adları açıqlanıb
Dekabrın 22-də Dövlət Gömrük Komitəsinin mətbuat xidməti açıqlama yayıb. Qeyd olunur ki, bir sıra hüquqi və fiziki şəxs gömrük rəsmiləşdirilməsi zamanı gömrük orqanlarına təqdim etdikləri invoysda idxal etdikləri malların dəyərini aşağı göstərməklə dövlət büdcəsinə ödənəcək gömrük vergi və rüsumlarından yayınmağa çalışır: “Sön dövrlər idxal əməliyyatları zamanı gömrük orqanlarına təqdim edilən bir sıra invoyslar üzrə aparılan araşdırma zamanı malların dəyərindən dəfələrlə aşağı göstərildiyi müəyyən edilib.
| Xarici iqtisadi fəaliyyət iştirakçısının adı | İnvoysda göstərilən qiymət | Real qiymət | Fərq |
| “Taleh-AT” müəssisəsi | 67350,01 dollar | 129915,13 dollar | 62565,12 dollar |
| “Qoşabulaq-A” MMC | 26000 avro | 70000 avro | 44000 avro |
| Bəhlulzadə Kamal Rauf o. | 6584 dollar | 28044 dollar | 21460 dollar |
| “Avantaj AS” MMC | 46188,60 dollar | 65027,06 dollar | 18838,46 dollar |
| “NTC Company” MMC | 24584,85 dollar | 38216 dollar | 13631,15 dollar |
| “Çipto” MMC | 7028,98 avro | 17180,32 avro | 10151,34 avro |
| “ABA Trading” MMC | 27700 avro | 37500 avro | 9800 avro |
Göründüyü kimi, ümumilikdə 116 494,73 ABŞ dolları və 63 951,34 avro vəsaitin gömrük vergi və rüsumlarına cəlb olunmasından yayındırılmağa cəhd göstərildiyi müəyyən edilib.
Dövlət Gömrük Komitəsi bildirir ki, dövlət büdcəsinə çatacaq vəsaiti ödəməkdən yayınmağa cəhd göstərən fiziki və hüquqi şəxslər haqqında qanunvericiliyə uyğun tədbirlər görülməklə yanaşı onların adları da mütəmadi olaraq kütləvi informasiya vasitələri ilə ictimaiyyətə açıqlanacaq”.
