Silahlı Qüvvələrin rəhbər heyəti sınaqdan keçir
Silahlı Qüvvələrin bütün rəhbər heyətinin iştirakı ilə üçgünlük toplantı keçirilir. Xəbəri dekabrın 20-də Mod.gov.az yayıb.
Müdafiə naziri müavinlərinin, Silahlı Qüvvələrin növləri və qoşun qisimləri komandanlarının, nazirliyin baş idarə, idarə və xidmət rəislərinin, birlik və birləşmə komandirlərinin, qərargah rəislərinin və digər məsul zabitlərin iştirakı ilə keçirilən toplantıda müdafiə naziri general-polkovnik Zakir Həsənov çıxış edib.
Toplantı heyəti təlim mərkəzində və çöl-səhra şəraitində təşkil olunan hazırlıq məntəqələri və nöqtələrində nəzəri və praktiki məşqlərə qatılıb. Zirehli texnikanın ştat silahından və atıcı silahlardan atışlar icra olunur, generallar və zabitlər müxtəlif növ tırtıllı və təkərli döyüş maşınlarının, avtomobil texnikasının idarə edilməsi üzrə yoxlama tapşırıqları yerinə yetirirlər.
