Nazirliyə qəbul üçün müraciət edənlərin sayı azalıb
Əmək və Əhalinin Sosial Müdafiəsi Nazirliyi bildirir ki, elektron xidmətlərin genişləndirilməsi quruma qəbul üçün üz tutanların sayının azalmasına gətirib. Rəsmi hesabata görə, nazirliyə qəbul üçün müraciət edənlərin sayı ötən illə müqayisədə bu ilin sentyabr ayında 16,2 faiz, oktyabr ayında 32 faiz, noyabr ayında isə 26,1 faiz azalıb.
Əvvəlki ilin eyni dövrünə nisbətən cari ilin noyabr ayında sosial müdafiə məsələləri ilə əlaqədar müraciətlərdə 20,5 faiz, tibbi sosial ekspertiza və reabilitasiya məsələləri ilə əlaqədar müraciətlərdə 2,3 dəfə, məşğulluq məsələləri ilə əlaqədar müraciətlərdə 16,5 faiz, əmək qanunvericiliyinə əməl olunması məsələləri ilə əlaqədar müraciətlərdə 30 faiz azalma qeydə alınıb.
Ötən ay əmək və əhalinin sosial müdafiəsi naziri 69 nəfəri (Zərdab rayonunda 64 nəfəri, nazirlikdə 5 nəfəri) fərdi qaydada qəbul edib.
