Naxçıvan iqtisadiyyatı 0,6 faiz artıb
Naxçıvan Muxtar Respublikasında 2016-cı ilin yanvar-noyabr aylarında 2 milyard 251,9 milyon manatlıq ümumi daxili məhsul (ÜDM) istehsal olunub, bu da 2015-ci ilin müvafiq dövrü ilə müqayisədə 0,6 faiz çoxdur.
NMR-in Dövlət Statistika Komitəsindən AZƏRTAC-a bildirilib ki, hər bir nəfərə düşən ÜDM-in həcmi 2015-ci ilin müvafiq dövrü ilə müqayisədə 3,6 faiz artaraq 5042,3 manata çatıb.
Muxtar respublikada yaradılan ÜDM-in tərkibində ilk yeri sənaye sahəsi tutur. Sənaye üzrə 859,5 milyon manat həcmində məhsul istehsal edilib, bu da 2015-ci ilin müvafiq dövründəki göstəricini 1,9 faiz üstələyib.
Novator.az xatırladır ki, 2016-cı ilin yanvar-noyabr aylarında ölkədə 54 milyard 433,1 milyon manatlıq və ya əvvəlki ilin müvafiq dövrünə nisbətən 3,9 faiz az ümumi daxili məhsul istehsal olunub.
