Azərbaycan neftinin qiyməti 57 dolları ötüb
Dünya birjalarında neft bahalaşıb. Nyu-York birjasında “Layt” markalı neftin bir barrelinin qiyməti 0,11 dollar artaraq 52,23 dollar, London birjasında “Brent” markalı neftin bir barrelinin qiyməti 0,43 dollar artaraq 55,35 dollar olub.
AZƏRTAC-ın 21 dekabr məlumatına görə, “AzəriLayt” markalı neftin bir barreli 0,95 dollar bahalaşaraq 57,14 dollara qalxıb.
2016-cı ilin dövlət büdcəsində xam neftin satış qiyməti bir barrel üçün 25 ABŞ dolları götürülüb. 2017-ci ilin büdcəsində isə neftin qiyməti 40 dollar hesablanıb.
Novator.az xatırladır ki, iri neft ölkələrini birləşdirən OPEK noyabrın 30-da hasilatı gündəlik 1,2 milyon barrel azaltmaq qərarı qəbul edib. 2017-ci il yanvarın 1-dən tətbiq ediləcək qərar 6 ay qüvvədə olacaq. Dekabrın 10-da isə qeyri-OPEK ölkələri gündəlik hasilatı ümumilikdə 558 min barrel azaltmaq barədə razılığa gəliblər. Qərar gələn il yanvarın 1-dən qüvvəyə minəcək. Azərbaycan gündəlik hasilatı 35 min barrel azaltmağa razı olub.
