Ən bahalı obyekt 250 min manata özəlləşdirildi
Dekabrın 20-də Əmlak Məsələləri Dövlət Komitəsi növbəti hərrac keçirib. Hərracda 13 dövlət əmlakı – 3 kiçik müəssisə və obyekt, 7 istifadəsiz qeyri-yaşayış sahəsi və 3 nəqliyyat vasitəsi özəlləşdirilib.
Novator.az bildirir ki, rəsmi məlumata görə, özəlləşdirilən kiçik dövlət müəssisələrinin biri Bakıda, biri Tərtərdə, biri Zaqatalada, istifadəsiz qeyri-yaşayış sahələrinin 5-i paytaxtda, biri Ağcabədidə, digəri isə Oğuzda yerləşir.
Hərracda ən yüksək qiymətə təklif edilən əmlak paytaxtın Nəsimi rayonunda yerləşən pavilyon olub. Əmlak 250 min manata özəlləşdirilib.
