Turizmin və kənd təsərrüfatının inkişafına dair planlar açıqlanıb
Milli iqtisadiyyat perspektivi üzrə yol xəritəsinin və maliyyə xidmətlərinin inkişafına dair sənədin ardınca iqtisadiyyatın daha iki sektoru üzrə planlar açıqlanıb. Novator.az-ın məlumatına görə, “İxtisaslaşmış turizm sənayesinin inkişafına dair Strateji Yol Xəritəsi” (Detallar) və “Kənd təsərrüfatı məhsullarının istehsalına və emalına dair Strateji Yol Xəritəsi”(Sənəd) dərc edilib.
Milli iqtisadiyyat perspektivi üzrə yol xəritəsi və iqtisadiyyatın əsas sektorları üzrə strateji yol xəritələri prezidentin 6 dekabr fərmanı ilə rəsmiləşib. Strateji yol xəritələrinin həyata keçirilməsinə ümumi rəhbərlik və nəzarət Prezident Administrasiyasına tapşırılıb. Nəzərdə tutulmuş fəaliyyətlərlə bağlı monitorinq, qiymətləndirmə və kommunikasiya tədbirləri İqtisadi İslahatların Təhlili və Kommunikasiya Mərkəzinə həvalə olunub.
Strateji yol xəritələrini prezidentin iqtisadi islahatlar üzrə köməkçisi Natiq Əmirovun rəhbərlik etdiyi işçi qrupu hazırlayıb.
