Kütləvi zəhərlənmədə ölənlərin sayı 33-ə çatıb
Rusiyanın İrkutsk vilayətində yemişan suyunun qəbulundan kütləvi zəhərlənmə barədə yeni məlumat yayılıb. Novator.az bildirir ki, tərkibində spirt olan içkidən ölənlərin sayı 33 nəfərə çatıb.
Xəstəxanaya çatdırılan şəxslərin çoxu koma vəziyyətindədir. Mütəxəssislər vanna qəbulu üçün nəzərdə tutulan yemişan suyunun tərkibində təhlükəli metanol maddəsi aşkarlayıb. Rəsmilər yemişan suyunu pərakəndə satışdan yığışdırmaq qərarına gəlib.
Olayı prokurorluq, İstintaq Komitəsi və İstehlakçıların Hüquqlarının Müdafiəsinə Nəzarət Xidməti araşdırır.
