İrkutskda yemişan qırğını davam edir
Rusiyanın İrkutsk şəhərində yemişan məhlulunun qəbulundan zəhərlənmə barədə yeni statistika açıqlanıb. Novator.az-ın məlumatına görə, Lenin rayonunun prokuroru bəyan edib ki, xəstəxanalara 57 nəfər çatdırılıb, onların 41-i ölüb.
Zəhərlənənlərin çoxu koma vəziyyətindədir. Mütəxəssislər vanna qəbulu üçün nəzərdə tutulan yemişan suyunun tərkibində metanol və antifriz aşkarlayıb.
Tərkibində alkoqol olan yemişan suyunun mağazalarda 40 rubla (1 manat 10 qəpik) satıldığı bildirilir.
Olayı prokurorluq, İstintaq Komitəsi və İstehlakçıların Hüquqlarının Müdafiəsinə Nəzarət Xidməti araşdırır. Lenin rayonunda yemişan suyu və spirt tərkibli başqa məhsullar hazırlayan qeyri-leqal sex aşkara çıxıb. Zəhərlənməyə səbəb olan məhlulu yayan 5 nəfər saxlanıb.
İrkutskda fövqəladə vəziyyət elan edilib. Spirt tərkibli məhsulların satışı qadağan olunub.
