Akademik Arif Mehdiyev vəfat edib
Prezident yanında Ali Attestasiya Komissiyasının sədri, fizika-riyaziyyat elmləri doktoru, Milli Elmlər Akademiyasının həqiqi üzvü Arif Mehdiyev dekabrın 19-da vəfat edib.
1934-cü il dekabrın 19-u Bakıda doğulan Arif Mehdiyev Moskva Elektrotexniki Rabitə İnstitutunu bitirib. Yarımkeçiricilər fizikası və informatika üzrə ixtisaslaşan alim 400-dən artıq elmi əsərin müəllifidir. 20 fəlsəfə doktoru, 7 elmlər doktoru yetişdirib.
Milli Aviasiya Akademiyasının professoru, ətraf mühitin aerokosmik monitorinqi kafedrasının müdiri idi.
“Şöhrət” və “Şərəf” ordenləri laureatıdır.
Allah rəhmət eləsin!
