Neftçilərin axtarışına qoşunlar cəlb olunub
“Azneft” İstehsalat Birliyinin Nəriman Nərimanov adına Neft-Qaz Çıxarma İdarəsinə aid estakadanın bir hissəsinin dənizə uçması nəticəsində itkin düşmüş neftçilərin axtarışı davam etdirilir.
Qəza dekabrın 15-də güclü külək üzündən baş verib. Həmin gün neftçi Qafarov İlham Əlihüseyn oğlunun meyiti tapılıb. “Azneft”də yaradılan qərargahdan AZƏRTAC-a bildirilib ki, digər 9 neftçinin axtarışları hələ nəticə verməyib.
Axtarışa 4 dalğıc gəmisi də cəlb edilib. Qeyd olunur ki, dünən dalğıc gəmiləri hava şəraiti ilə əlaqədar iş apara bilməyib, ancaq indi sualtı axtarışlara başlayıb.
Fövqəladə Hallar Nazirliyinin məlumatına görə, Xəzər dənizində axtarış işlərinə aviasiya dəstəsinin üç helikopteri, “Vixr-5”, “Vixr-8” və “Svetlomor-2” gəmiləri qatılıb. FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin və Mülki Müdafiə Qoşunlarının şəxsi heyəti sahilboyu ərazilərdə axtarış işlərinə cəlb olunub.
Xəzərdə estakada uçub, 10 nəfər itkin düşüb
Xəzərdə faciə: “Azneft”də qərargah yaradılıb
Xəzərdə daha bir fövqəladə hadisə: Səngəçal estakadasında qüllə aşıb
