Qanunsuz varlanan məmur həbs ediləcək
Ermənistan parlamenti dekabrın 15-də Cinayət Məcəlləsinə əlavələr edib. Novator.az xəbər verir ki, yenilik məmurların qanunsuz varlanmaya görə cinayət məsuliyyətinə alınmasını nəzərdə tutur. 5 milyon dram (10 min dollara yaxın) məbləğdə qanunsuz gəlir əldə etmiş məmur müəyyən vəzifələr tutmaq hüququnu itirmək və əmlakı müsadirə olunmaq şərti ilə 3 ildən 6 ilə qədər azadlıqdan məhrum ediləcək.
Yenilik 2017-ci il iyulun 1-dən tətbiq olunacaq.
Qanun layihəsini parlamentə təqdim edən ədliyyə naziri deyib ki, qeyri-leqal yolla 1 milyon dramdan çox gəlir əldə edən məmur nəzarət altına düşəcək. Nazirin sözlərinə görə, məmurların 2 milyon dramdan artıq bütün maliyyə əməliyyatları nağdsız aparılacaq.
