Miqrasiya pozuntularının statistikası açıqlanıb
Noyabr ayında 1855 əcnəbi Azərbaycanda olma, müvəqqəti və daimi yaşama qaydalarını pozub. Dövlət Miqrasiya Xidmətinin hesabatına görə, 17 nəfərin ölkə ərazisində müvəqqəti və ya daimi yaşamaq üçün əsas verən sənədləri yenisi ilə əvəz olunub, 190 nəfərin ölkədə yaşaması leqallaşdırılıb, 1260 əcnəbinin Azərbaycan ərazisini 48 saat ərzində tərk etməsi, 388 əcnəbinin isə inzibati qaydada ölkədən çıxarılması barədə qərarlar qəbul edilib.
Dövlət Miqrasiya Xidmətinə ölkədə müvəqqəti olma müddətlərinin uzadılması, müvəqqəti və daimi yaşamaq üçün icazələrin verilməsi, vətəndaşlığa qəbul, xitam, bərpa, eləcə də vətəndaşlıq mənsubiyyətinin və qaçqın statusunun müəyyənləşdirilməsi, əmək fəaliyyətinin həyata keçirilməsi üçün iş icazələrinin verilməsi və mövcud iş icazələrinin müddətlərinin uzadılması ilə bağlı 9512 müraciət daxil olub.
Olduğu yer üzrə qeydiyyatla bağlı 45 min 709 əcnəbinin müraciəti qeydə alınıb.
