Maliyyə xidmətlərinin inkişafına dair Strateji Yol Xəritəsi
“Azərbaycan Respublikasında maliyyə xidmətlərinin inkişafına dair Strateji Yol Xəritəsi” dərc olunub. Sənəd prezident İlham Əliyevin 6 dekabr fərmanı ilə təsdiq edilib. Milli iqtisadiyyat perspektivi üzrə yol xəritəsi və iqtisadiyyatın əsas sektorları üzrə strateji yol xəritələri həmin fərmanla rəsmiləşib.
Strateji yol xəritələrinin həyata keçirilməsinə ümumi rəhbərlik və nəzarət Prezident Administrasiyasına tapşırılıb. Nəzərdə tutulmuş fəaliyyətlərlə bağlı monitorinq, qiymətləndirmə və kommunikasiya tədbirləri İqtisadi İslahatların Təhlili və Kommunikasiya Mərkəzinə həvalə olunub.
Strateji yol xəritələrini prezidentin iqtisadi islahatlar üzrə köməkçisi Natiq Əmirovun rəhbərlik etdiyi işçi qrupu hazırlayıb.
