Bəzi yerlərdə qarın qalınlığı 25 santimetrə çatıb
Ekologiya və Təbii Sərvətlər Nazirliyi bildirir ki, dekabrın 14-ü gün ərzində, 15-i gecə və səhər ölkə ərazisində yağış, bəzi yerlərdə sulu qar, qar yağıb, ayrı-ayrı yerlərdə intensiv olub.
Düşən yağıntının miqdarı Bakıda və Abşeron yarımadasında 1-2, Böyük Qafqazda 2-29, Lənkəran-Astara zonasında 1-42, Kiçik Qafqazda 13-15, Qazax-Gəncə zonasında 1-17, Mərkəzi Aran rayonlarında 1-18, Naxçıvan Muxtar Respublikasında 1-10 millimetr təşkil edib.
Qar örtüyünün qalınlığı Ağdərə və Gədəbəydə 22, Xınalıq və Daşkəsəndə 17, Qubada 15, Qubanın dağlıq ərazilərində 10-25, Zaqatala və Göygöldə 13, Şəki və Oğuzda 12, Balakəndə 11, Şamaxı və Naxçıvanda 8, İsmayıllı və Tərtərdə 5, Göyçay və Lerikdə 4, İmişli və Şabranda 3, Astara, Beyləqan və Zərdabda 2, Xaçmaz və Lənkəranda 1 santimetrə çatıb.
Bakıda müşahidə edilən hava şəraitinə uyğun şəhərdaxili əsas magistral avtomobil yollarında nəqliyyat vasitələri üçün müəyyən edilmiş sürət həddi saatda 20 kilometrə qədər endirilib. AZƏRTAC xəbər verir ki, axşama doğru yollarda buzlaşma olarsa, sürət həddi saatda daha 20 kilometrə qədər endirilə bilər.
