11 ayda xarici ticarət 20 faizdən çox geriləyib
Azərbaycanın 11 aylıq xarici ticarət göstəriciləri bəlli olub. Novator.az-ın məlumatına görə, Dövlət Gömrük Komitəsi bildirir ki, 2016-cı ilin yanvar-noyabr aylarında xarici ticarətin həcmi ötən ilin 11 ayına nisbətən 20,2% azalaraq 16 milyard 31,6 milyon ABŞ dollarına düşüb.
2015-ci ilin yanvar-noyabr ayları ilə müqayisədə idxal əməliyyatlarında 6%, ixrac əməliyyatlarında 30,02% geriləmə qeydə alınıb. İxrac (8 milyard 314,9 milyon dollar) idxalı (7 milyard 716,7 milyon dollar) 598,2 milyon dollar üstələyib.
Rəsmi hesabata əsasən, yanvar-noyabr aylarında 183 ölkə ilə ticarət əməliyyatları aparılıb. 11 ayda Gömrük Komitəsinin xətti ilə dövlət büdcəsinə 2 milyard 56,6 milyon manat daxil olub.
