Nazirlik əlilliyi olan şəxslərə xidmət hesabatı yayıb
2016-cı ilin yanvar-noyabr aylarında Əmək və Əhalinin Sosial Müdafiəsi Nazirliyinin əlaqədar qurumları əlilliyi olan 13990 şəxsə protez-ortopedik xidmətlər göstərib. Rəsmi hesabata görə, əlilliyi olan şəxslər 1117 ədəd əlil arabası, 1065 ədəd aşağı və yuxarı ətraf protezi, 1517 cüt dirsəkaltı ağac, 810 ədəd dördayaqlı dayaq vasitəsi, 1288 ədəd aşağı və yuxarı ətraf ortezi, 717 ədəd bel və boyun nahiyəsi üçün korsetlə təmin olunub.
Əlilliyi olan şəxslərə 4600 cüt ortopedik ayaqqabı, 3111 cüt protez ayaqqabı, 663 ədəd eşitmə aparatı, 8404 ədəd müxtəlif reabilitasiya vasitəsi, 2226 ədəd əsa verilib. 817 ədəd reabilitasiya vasitəsi və protez-ortopedik məmulatın təmiri işləri də aparılıb.
11 ayda əlilliyi olan şəxslərə ümumilikdə 31537 reabilitasiya vasitəsi və protez-ortopedik məmulat verilib.
