NATO və Avropa İttifaqına üzvlük: ukraynalılar nə düşünür?
Ukraynada NATO və Avropa İttifaqına üzvlük mövzusunda sorğu keçirilib. Novator.az-ın məlumatına görə, “Sosis” və “Reytinq” təşkilatlarının noyabrın 24-dən dekabrın 2-dək apardığı sosioloji sorğuya 4 min nəfər cəlb edilib.
Respondentlərin 47,2%-i Ukraynanın NATO üzvü olmasına səs verib, 35,6% bunun əleyhinə olub.
Sorğuda iştirak edən ukraynalıların 60,7%-i ölkənin Avropa İttifaqına üz olmasını istəyib, 23,8% bunun əleyhinə çıxıb.
1949-cu ildə yaradılmış NATO-ya 28 ölkə daxildir: ABŞ, Kanada, Türkiyə, İslandiya, Almaniya, Belçika, Norveç, Bolqarıstan, Böyük Britaniya, Çexiya, Danimarka, Estoniya, Fransa, Xorvatiya, İspaniya, İtaliya, Latviya, Litva, Lüksemburq, Macarıstan, Niderland, Polşa, Portuqaliya, Rumıniya, Slovakiya, Sloveniya, Yunanıstan, Albaniya.
1957-ci ildə yaradılmış Avropa İttifaqının 28 üzvü var: Almaniya, Avstriya, Belçika, Bolqarıstan, Böyük Britaniya, Çexiya, Danimarka, Estoniya, Finlandiya, Fransa, Xorvatiya, İrlandiya, İspaniya, İsveç, İtaliya, Kipr, Latviya, Litva, Lüksemburq, Macarıstan, Malta, Niderland, Polşa, Portuqaliya, Rumıniya, Slovakiya, Sloveniya, Yunanıstan.
Böyük Britaniya qurumdan çıxmaq üzrədir.
