Bu il Talassemiya Mərkəzinə 21 mindən çox adam müraciət edib
Bu il Respublika Talassemiya Mərkəzinə 21009 nəfər müraciət edib. Novator.az-ın məlumatına görə, Səhiyyə Nazirliyinin Respublika Talassemiya Mərkəzinin illik fəaliyyəti ilə bağlı açıqlamasında belə deyilir.
Açıqlamada bildirilir ki, mərkəzə ilkin müraciət edən 2749 şəxsdən 276-sı dispanser qeydiyyata götürülüb.
Hazırda Talassemiya Mərkəzində 2862 xəstə dispanser qeydiyyatdadır.
2016-cı ildə mərkəzin ümumi laboratoriyasında 17500 nəfər müayinədən keçib, 217 nəfərdə HLA uyğunluq müayinəsi aparılıb.
Nikaha daxil olmaq istəyən 134 min 656 nəfərin 4358-nin və 32 cütlüyün hər ikisinin talassemiya daşıyıcısı olduğu aşkarlanıb.
Səhiyyə Nazirliyinin bildirdiyinə görə, Talassemiya Mərkəzinin gündüz stasionarında 976 xəstəyə müntəzəm olaraq eritrositar kütlə köçürülür.
2014-cü ildən bəri bu mərkəzdə 42 xəstəyə sümük iliyi transplantasiyası əməliyyatı keçirilib.
