Bu il 144 jurnalist həlak olub
2016-cı ildə 31 ölkədə 144 jurnalist həlak olub. Novator.az-ın məlumatına görə, “Press Emblem Campaign” qeyri-hökumət təşkilatının dekabrın 14-də Cenevrədə dərc olunmuş hesabatında belə deyilir.
Hesabata əsasən, KİV əməkdaşları üçün ən təhlükəli ölkə İraqdır. 2016-cı ildə bu ölkədə 16 media nümayəndəsi həlak olub. Jurnalist ölümü ilə bağlı siyahının ilk beşliyində Suriya (14 jurnalist), Əfqanıstan (12), Meksika (12) və Yəmən (9) yer alır.
“Press Emblem Campaign” bu il Rusiyada 3, Ukraynada 2 media işçisinin həlak olduğunu bildirir. 2016-cı ildə media təmsilçiləri üçün ən təhlükəli bölgələrin Yaxın Şərq və Şimali Afrika olduğu vurğulanır. Bu regionda 44 jurnalist həlak olub.
2004-cü ildə yaradılan “Press Emblem Campaign” təşkilatı BMT yanında məşvərətçi statusa malikdir.
