11 ayda 3,9 faiz iqtisadi tənəzzül gedib
Dövlət Statistika Komitəsi 2016-cı ilin yanvar-noyabr ayları ilə bağlı yeni hesabat yayıb. Novator.az-ın məlumatına görə, hesabatda bildirilir ki, 11 ayda ölkədə 54 milyard 433,1 milyon manatlıq və ya əvvəlki ilin müvafiq dövrünə nisbətən 3,9 faiz az ümumi daxili məhsul istehsal (ÜDM) olunub.
ÜDM-in 37,5 faizi sənayedə, 10,7 faizi ticarət; nəqliyyat vasitələrinin təmiri, 10,3 faizi tikinti, 6,7 faizi nəqliyyat və anbar təsərrüfatı, 5,4 faizi kənd təsərrüfatı, meşə təsərrüfatı və balıqçılıq, 2,5 faizi turizm və ictimai iaşə, 1,8 faizi informasiya və rabitə, 17,6 faizi isə digər sahələrdə istehsal edilib. Məhsula və idxala xalis vergilər ÜDM-in 7,5 faizinə bərabər olub.
Əhalinin hər nəfərinə düşən ÜDM 5649,9 manatdır.
