Sərhəddə pozuntular
Dövlət Sərhəd Xidməti 2016-cı ilin noyabr ayı ilə bağlı hesabat yayıb. Qeyd olunur ki, ay ərzində dövlət sərhədini pozan 39 nəfər saxlanıb. Onların 20 nəfəri Azərbaycan, 4 nəfəri Gürcüstan, 7 nəfəri Özbəkistan, 3 nəfəri İran, 2 nəfəri Qırğızıstan, qalanları Nigeriya, Fələstin, Kot-Divuar vətəndaşıdır.
Sərhəd rejim qaydalarını pozarkən yaşıl sərhəddə 7 nəfər, Xəzər dənizində 22 nəfər, sərhəd nəzarəti məntəqələrində 762 nəfər saxlanıb. Axtarışda olan 374 nəfər aşkarlanaraq aidiyyəti orqanlara təhvil verilib.
14 halda 7 kiloqram 770 qram narkotik maddə aşkar edilərək götürülüb. 72 halda ümumi dəyəri təqribən 330 min manat olan qaçaqmal tutulub.
