Nazarbayev amnistiya aktını imzaladı
Dekabrın 13-də Qazaxıstan prezidenti Nursultan Nazarbayev müstəqilliyin 25 illiyi münasibətilə qəbul edilən amnistiya aktını imzalayıb. Novator.az-ın məlumatına görə, prezidentin mətbuat xidməti dövlət başçısının amnistiya aktı ilə bağlı açıqlamasını yayıb. Açıqlamada qeyd olunur ki, dövlət müstəqilliyinin yubileyinə həsr olunmuş humanist aksiya 28 minədək vətəndaşa şamil olunacaq. Nazarbayev amnistiyaya düşən şəxslərin bir daha qanunu pozmayacağına ümid etdiyini vurğulayıb.
Amnistiya aktı ilə ağır cinayət törətməyən 1500 məhbusun 20 faizinin tam azadlığa buraxılması, 80 faizinin cəzasının yüngül cəzaya dəyişdirilməsi planlaşdırılır.
Azadlığın məhdudlaşdırılması, islah işləri və cərimə cəzaları almış 11 min nəfərə amnistiya tətbiq olunacaq.
Ağır və xüsusilə ağır cinayət törətmiş şəxslərin cəzasının maksimum yarıya qədər azaldılacağı bildirilir.
İstintaq altında olan bir qrup şəxsə də amnistiya tətbiqi nəzərdə tutulur.
