Milli iqtisadiyyat perspektivi üzrə Strateji Yol Xəritəsi
Novator.az “Milli iqtisadiyyat perspektivi üzrə Strateji Yol Xəritəsi”ni təqdim edir: Yol xəritəsi. Sənədi və iqtisadiyyatın əsas sektorları üzrə strateji yol xəritələrini prezident İlham Əliyev dekabrın 6-da təsdiq edib. Sektorlar üzrə sənədlər bunlardır: Neft və qaz sənayesinin (kimya məhsulları daxil olmaqla) inkişafına dair Strateji Yol Xəritəsi; Kənd təsərrüfatı məhsullarının istehsalına və emalına dair Strateji Yol Xəritəsi; Kiçik və orta sahibkarlıq səviyyəsində istehlak mallarının istehsalına dair Strateji Yol Xəritəsi; Ağır sənaye və maşınqayırmanın inkişafına dair Strateji Yol Xəritəsi; İxtisaslaşmış turizm sənayesinin inkişafına dair Strateji Yol Xəritəsi; Logistika və ticarətin inkişafına dair Strateji Yol Xəritəsi; Uyğun qiymətə mənzil təminatının inkişafına dair Strateji Yol Xəritəsi; Peşə təhsili və təliminin inkişafına dair Strateji Yol Xəritəsi; Maliyyə xidmətlərinin inkişafına dair Strateji Yol Xəritəsi; Telekommunikasiya və informasiya texnologiyalarının inkişafına dair Strateji Yol Xəritəsi; Kommunal xidmətlərin (elektrik və istilik enerjisi, su və qaz) inkişafına dair Strateji Yol Xəritəsi.
Strateji yol xəritələrinin həyata keçirilməsinə ümumi rəhbərlik və nəzarət Prezident Administrasiyasına tapşırılıb. Nəzərdə tutulmuş fəaliyyətlərlə bağlı monitorinq, qiymətləndirmə və kommunikasiya tədbirləri İqtisadi İslahatların Təhlili və Kommunikasiya Mərkəzinə həvalə olunub.
Strateji yol xəritələrini prezidentin iqtisadi islahatlar üzrə köməkçisi Natiq Əmirovun rəhbərlik etdiyi işçi qrupu hazırlayıb.
