DSMF-də nə qədər əcnəbi qeydiyyata durub?
Ötən ay Dövlət Sosial Müdafiə Fondunun fərdi uçot sistemində 378 nəfər əcnəbi qeydiyyata alınıb. Əmək və Əhalinin Sosial Müdafiəsi Nazirliyinin məlumatına görə, bu, oktyabr ayı ilə müqayisədə 54,3 faiz çoxdur. Ümumilikdə yanvar-noyabr aylarında 5 min 871 nəfər əcnəbiyə fərdi hesab açılıb, sistemin əhatə etdiyi xarici ölkə vətəndaşlarının sayı 33 min 733 nəfərə çatıb.
Fərdi uçot sistemində 122 ölkənin vətəndaşları qeydiyyatdadır. Onların sırasında say baxımından ilk yerləri Türkiyə (15 min 626 nəfər), Gürcüstan (3 min 254 nəfər) və Rusiya (1941 nəfər) vətəndaşları tutur.
Sistemdə qeydiyyata olan şəxslərin ümumi sayı isə dekabrın 1-nə 3 milyon 352 min 983 nəfər olub.
