Dövlət katibi postuna neft maqnatı gəlir
ABŞ-ın yeni seçilmiş prezidenti Donald Tramp dövlət katibi (xarici işlər naziri) postuna namizədin adını açıqlayıb. Novator.az-ın məlumatına görə, bu, “Exxon Mobil” neft şirkətinin başçısı Reks Tillersondur.
Reks Tillersonun 64 yaşı var. Texas Universitetini bitirib, mühəndisdir. 40 ilə yaxındır “Exxon Mobil”də çalışan Reks Tillerson 1990-cı illərin sonunda şirkətin Rusiyadakı layihələrinin rəhbəri olub.
Reks Tillerson “Exxon Mobil” şirkətinə 2006-cı ildən başçılıq edir.
Noyabrın 8-də prezident seçilmiş Donald Tramp səlahiyyətlərinin icrasına gələn il yanvarın 20-də başlayacaq.
