Azərbaycan neftinin qiyməti 57 dollara yaxınlaşır
Dekabrın 13-ü Nyu-York birjasında “Layt” markalı neftin bir barreli 52,83 dollara, London birjasında “Brent” markalı neftin bir barreli 55,69 dollara satılır. AZƏRTAC xəbər verir ki, “AzəriLayt” markalı neftin bir barreli 56,83 dollara təklif olunur.
Novator.az xatırladır ki, iri neft ölkələrini birləşdirən OPEK noyabrın 30-da hasilatı gündəlik 1,2 milyon barrel azaltmaq qərarı qəbul edib. 2017-ci il yanvarın 1-dən tətbiq ediləcək qərar 6 ay qüvvədə olacaq. Dekabrın 10-da isə qeyri-OPEK ölkələri gündəlik hasilatı ümumilikdə 558 min barrel azaltmaq barədə razılığa gəliblər. Qərar gələn il yanvarın 1-dən qüvvəyə minəcək. Azərbaycan gündəlik hasilatı 35 min barrel azaltmağa razı olub.
2016-cı il büdcəsində xam neftin satış qiyməti bir barrel üçün 25 ABŞ dolları götürülüb. 2017-ci ilin büdcə layihəsində isə neftin qiyməti 40 dollar hesablanıb.
