Müstəqillik amnistiyası bir mərhələni də keçdi
Novator.az xəbər verir ki, dekabrın 9-da Qazaxıstan parlamentinin yuxarı palatası (Senat) ölkənin müstəqilliyinin 25 illiyi münasibətilə veriləcək amnistiyanın layihəsini təsdiqləyib. Qanun layihəsi imzalanmaq üçün prezidentə göndərilib.
Sənəd Qazaxıstan parlamentinin aşağı palatasında dekabrın 7-də qəbul olunmuşdu.
Amnistiya aktının ümumilikdə 28 min nəfərə şamil olunması, ağır cinayət törətməyən 1500 məhbusun 20 faizinin tam azadlığa buraxılması, 80 faizinin cəzasının yüngül cəzaya dəyişdirilməsi planlaşdırılır.
Azadlığın məhdudlaşdırılması, islah işləri və cərimə cəzaları almış 11 min nəfərə amnistiya tətbiq olunacaq.
Ağır və xüsusilə ağır cinayət törətmiş şəxslərin cəzasının maksimum yarıya qədər azaldılacağı bildirilir.
İstintaq altında olan bir qrup şəxsə də amnistiya tətbiqi nəzərdə tutulur.
