19 ölkə, 48 komanda
UEFA Çempionlar Liqası və Avropa Liqasında qrup mərhələləri başa çatdı. Novator.az-ın məlumatına görə, gələn ilin fevral ayında başlayacaq növbəti raundlara 54 UEFA üzvündən 19-nun təmsilçiləri adlaya bilib. 2016/2017 mövsümündə Avropanın klub turnirlərinə 233 futbol komandası vəsiqə almışdı. İndi onların 48-i mübarizəni davam etdirir: 16 klub Çempionlar Liqasında, 32 klub Avropa Liqasında.
35 UEFA üzvünün, o cümlədən Azərbaycanın bütün təmsilçiləri Avropa klub turnirləri ilə vidalaşıb. Yalnız İspaniya (7 komanda) itki verməyib. Mövsümə 5 komanda ilə başlamış Türkiyə hazırda Avropa Liqasında 3 komanda ilə təmsil olunur.
