Layihə: prezidenti istefaya göndərirlər
Cənubi Koreya müxalifəti parlamentə prezident Pak Kın Henin istefaya göndərilməsi barədə layihə təqdim edib. Novator.az-ın məlumatına görə, layihə dekabrın 9-da səsverməyə çıxarılacaq.
Prezident dövlət vəzifəsi tutmayan rəfiqəsi Çoy Sun Sili öz çıxışlarının mətnini hazırlamağa cəlb etməkdə günahlandırılır. Pak Kın He buna görə ictimaiyyətdən rəsmən üzr istəyib.
Hazırda həbsdə olan Çoy Sun Silə və Prezident Administrasiyasının iki keçmiş əməkdaşına korrupsiya, vəzifə səlahiyyətlərindən sui-istifadə ittihamları irəli sürülüb.
İmpiçment təşəbbüsünün reallaşması üçün layihəyə 300 nəfərlik parlamentin azı 200 deputatı səs verməlidir.
Senuri Partiyasının üzvü olan Pak Kın He 2012-ci ildə prezident seçilib. O, ölkənin ilk qadın prezidentidir.
