Bu da 10 il oldu
Dekabrın 8-də Bakı Ağır Cinayətlər Məhkəməsində gənc fəal Bayram Məmmədovun işi üzrə proses yekunlaşıb. Novator.az-ın məlumatına görə, hakim Eynulla Vəliyevin sədrliyi ilə keçirilən prosesdə Bayram Məmmədova 10 il müddətinə azadlıqdan məhrumetmə cəzası kəsilib.
Bayram Məmmədov digər gənc fəal Qiyas İbrahimovla birgə bu il mayın 10-da həbs edilib. Gənclər külli miqdarda narkotik vasitə saxlamaqda təqsirli bilinirlər. Oktyabrın 25-də Bakı Ağır Cinayətlər Məhkəməsi Qiyas İbrahimovu 10 il müddətinə azadlıqdan məhrum edib.
Müdafiəçiləri hər iki gəncin siyasi sifarişlə tutulduğunu iddia edirlər. Bildirilir ki, mayın 10-na gecə Bakının mərkəzində Heydər Əliyevin abidəsinin üzərində etiraz şüarları yazılıb, gənclər bu şüarlara görə tutulub.
