Strateji yol xəritələri təsdiqlənib
Prezident İlham Əliyev milli iqtisadiyyat və iqtisadiyyatın əsas sektorları üzrə strateji yol xəritələrini təsdiq edib. Novator.az-ın məlumatına görə, təsdiqlənən sənədlər bunlardır:
– Milli iqtisadiyyat perspektivi üzrə Strateji Yol Xəritəsi;
– Neft və qaz sənayesinin (kimya məhsulları daxil olmaqla) inkişafına dair Strateji Yol Xəritəsi;
– Kənd təsərrüfatı məhsullarının istehsalına və emalına dair Strateji Yol Xəritəsi;
– Kiçik və orta sahibkarlıq səviyyəsində istehlak mallarının istehsalına dair Strateji Yol Xəritəsi;
– Ağır sənaye və maşınqayırmanın inkişafına dair Strateji Yol Xəritəsi;
– İxtisaslaşmış turizm sənayesinin inkişafına dair Strateji Yol Xəritəsi;
– Logistika və ticarətin inkişafına dair Strateji Yol Xəritəsi;
– Uyğun qiymətə mənzil təminatının inkişafına dair Strateji Yol Xəritəsi;
– Peşə təhsili və təliminin inkişafına dair Strateji Yol Xəritəsi;
– Maliyyə xidmətlərinin inkişafına dair Strateji Yol Xəritəsi;
– Telekommunikasiya və informasiya texnologiyalarının inkişafına dair Strateji Yol Xəritəsi;
– Kommunal xidmətlərin (elektrik və istilik enerjisi, su və qaz) inkişafına dair Strateji Yol Xəritəsi.
Strateji yol xəritələrinin həyata keçirilməsinə ümumi rəhbərlik və nəzarət Prezident Administrasiyasına tapşırılıb. Nəzərdə tutulmuş fəaliyyətlərlə bağlı monitorinq, qiymətləndirmə və kommunikasiya tədbirləri İqtisadi İslahatların Təhlili və Kommunikasiya Mərkəzinə həvalə olunub.
Dekabrın 6-da imzalanan fərmana görə, Prezident Administrasiyası strateji yol xəritələrinin icra mexanizmləri ilə bağlı təkliflərini on beş gün müddətində dövlət başçısına təqdim etməlidir.
Strateji yol xəritələrini prezidentin iqtisadi islahatlar üzrə köməkçisi Natiq Əmirovun rəhbərlik etdiyi işçi qrupu hazırlayıb.
