“İnstagram”da yeni “bəyəndim” işə düşüb
İndən belə “İnstagram” istifadəçiləri bir-birilərinin şərhini bəyənə biləcəklər. Novator.az xəbər verir ki, bununla bağlı “İnstagram” şəbəkəsində yeni xidmət işə düşüb.
İstifadəçi hansısa şərhi bəyəndiyini bildirmək üçün ürək şəkilli “bəyəndim” (ingiliscə: “like”) düyməsini basmalıdır.
“İnstagram”ın rəhbəri Kevin Sistrom deyib ki, bu yenilik şəbəkədəki şərhlərə dəstək vermək və istifadəçilər arasında ünsiyyət üçün nikbin mühit yaratmaq məqsədi daşıyır.
Bundan başqa “İnstagram”da şərhlərin yazılmasına məhdudiyyət qoyan funksiya da işə salınıb. İndi hər bir istifadəçi öz foto və videosunu dərc etməzdən qabaq ona şərh yazılmasına yasaq qoya bilər.
