“Beşiktaş” bir liqadan başqasına ələndi
UEFA Çempionlar Liqasının qrup mərhələsində sonuncu tura start verilib. B qrupunda yarışan Türkiyənin “Beşiktaş” komandası dekabrın 6-sı Ukraynanın paytaxtı Kiyevdə yerli “Dinamo”ya 0:6 hesabı ilə uduzub və Avropa Liqasına adlamaq məcburiyyətində qalıb. Bu qrupdan növbəti raunda “Napoli” (İtaliya) və “Benfika” (Portuqaliya) keçiblər.
Novator.az xatırladır ki, 1/8 finalda Almaniyanın “Bavariya”, “Borussiya” (Dortmund), “Bayer”, İspaniyanın “Atletiko”, “Real”, “Barselona”, İngiltərənin “Arsenal”, “Lester”, “Mançester Siti”, Fransanın PSJ, “Monako”, İtaliyanın “Yuventus” komandaları da çıxış edəcəklər.
