Ekoloji pozuntularla bağlı yeni hesabat açıqlanıb
Ekologiya və Təbii Sərvətlər Nazirliyi qanunvericiliyin tələblərinə riayət olunması ilə bağlı araşdırma aparıb. Rəsmi hesabata əsasən, ötən ayın ikinci yarısında atmosfer havasının, su və torpaq ehtiyatlarının, yerin təkinin, fauna və floranın mühafizəsi, o cümlədən ətraf mühitə məişət və istehsalat tullantılarının atılması sahəsində yol verilən qanun pozuntularına görə 125 akt və protokol tərtib olunub, nöqsanların aradan qaldırılması üçün 20 müddətli məcburi göstəriş verilib.
Ümumilikdə 42 iş üzrə 50 min 400 manat məbləğində inzibati cərimə tətbiq edilib, ətraf mühitə dəymiş ziyana görə 15 iş üzrə 1228,7 manat məbləğində iddia qaldırılıb, ətraf mühitə tullantıların atılmasına və axıdılmasına görə hüquqi və fiziki şəxslərə qarşı 317 iş üzrə 36 min 601,09 manat məbləğində ödəmə tətbiq edilib.
Tədbir görülməsi üçün hüquq mühafizə orqanlarına 24, icra qurumlarına 16, məhkəmələrə isə 2 iş göndərilib.
