Nazirlik elektron xidmətlərdən istifadə hesabatı yayıb
Əmək və Əhalinin Sosial Müdafiəsi Nazirliyi “Elektron hökumət” portalında təqdim olunan elektron xidmətlərlə bağlı hesabat yayıb. Rəsmi məlumata görə, noyabrda nazirliyin e-xidmətlərinə müraciətlərin sayı əvvəlki ayla müqayisədə 9,5 faiz (49 206 müraciət) artaraq 569 639-a çatıb.
“Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi” e-xidməti “E-hökumət” portalında populyar olaraq qalır və ötən ay həmin e-xidmətə oktyabr ayına nisbətən 18,1 faiz çox, yəni 190 090 dəfə müraciət edilib.
Ümumilikdə yanvar-noyabr aylarında Əmək və Əhalinin Sosial Müdafiəsi Nazirliyinin e-xidmətlərinə 5 milyon 661 min dəfə müraciət edilib.
