Bank sektoru: yeni göstəricilər
Dekabrın 1-nə Mərkəzi Bankın 4 milyard 11 milyon ABŞ dolları həcmində valyuta ehtiyatı olub. Rəsmi hesabatda həmin dövrə pul bazasının həcmi 7 milyard 702,2 milyon manat göstərilir.
Novator.az bildirir ki, bir ayda valyuta ehtiyatı 5,5 milyon dollar, pul bazası 253,3 milyon manat artıb. Noyabrın 1-nə Mərkəzi Bankın 4 milyard 5,5 milyon ABŞ dolları həcmində valyuta ehtiyatı vardı. Pul bazası isə 7 milyard 448,9 milyon manat həcmində idi.
Mərkəzi Bankın hesabatına əsasən, noyabrın 1-nə ölkədə kreditlərin həcmi 15 milyard 346,7 milyon manat, əhalinin banklardakı əmanətinin həcmi 7 milyard 413,1 milyon manat olub.
Bir ayda kreditlər üzrə 927,3 milyon manat, əmanətlər üzrə 400,8 milyon manat azalma var. Oktyabrın 1-nə kreditlərin həcmi 16 milyard 274 milyon manat, əhalinin banklardakı əmanətinin həcmi 7 milyard 813,9 milyon manat idi.
